DANKBAAR omdet väöl minse oze väörstellinge “Veer Boere Op Vriejerspaad” in de maond november höbbe bezoch. Speciaal dit jaor omdet weer ôs allerieëste toneelsjtök van 40 jaor geleje weer oppe plenk höbbe gebrach, mit 2 spelers van het ieëste oer. Eine aovendj nostalgie!
Weer höbbe genaote, het woor fantastisch om ôs jubileumjaor zoa aaf te sjloete. Op 1 december oze VIP väörstelling waerde zeer good bezoch en nao aafloup haet ederein genaote van heerlikke hepkes en gezellige meziek van FDJ Maurice. Dankjewel!
Ein groat applaus en DANKJEWEL aan ôs geweldig publiek en aan ederein dae, achter de sjerme, ontzettend hel haet gewirktj aan ôs sjoan väörstellinge.
Euche lach en plezeer is väör ôs DE raeje om elk jaor weer ein leuke väörstelling oppe plenk te gaon bringe.
Haoj oze website www.onsgenoegen84.nl inne gate of like oze facebookpagina, väör oze väörstellinge in november 2025!
Weer winse ederein hieële feine Kerstdaag en alle good väör 2025 toe!
Mit vrunjtelikke groet,
Bestuur en leden Toneelvereniging Ons Genoegen’84 St. Joost