Speeldata
“De Sjöttekeuning”

Tied: 20:00

zóndig 17 november
Patronaat 't Trefpunt, St. Joost,
Première, Matinee (14:00)

zoaterdig 23 november
Patronaat 't Trefpunt, St. Joost

zóndig 24 november
Patronaat 't Trefpunt, St. Joost

zoaterdig 7 december
De Haammaeker, Neer

zoaterdig 14 december
Baexheimer Hof, Baexem

zoaterdig 11 januari
Verenigingszaal, Ohé en Laak

zoaterdig 25 januari
De Spil, Maasbracht

zóndig 26 januari
De Spil, Maasbracht

Reserveren:
(St. Joost en Maasbracht)

Hans Steskens0475-485445 (secretaris)
José Verheijen06-23501848
Mieke Ruijten0475-486894

De Vereniging LimburgsNederlands

Image

Toneelvereniging "Ons Genoegen '84 is eine groep minse die allemaol 't enthousiasme veur amateurtoneel daele. Wie de naam al zaet is de vereniging opgerich in 1984, of baeter gezach: heropgerich. De orgineel vereniging Ons Genoegen bestóng al veur de twieëde waereldoorlog. In 1984 besloot ein aantal lede det de tied riep woor óm de vereniging nuuj laeve in te blaoze. Vanaaf toen zeen al 27 dialecstökke op de plenk gebrach in wisselendje samestèllinge. Wovan 18 ónger regie van Willemien Creemers en 9 ónger leiding van regiseur Paul Hendriks.

Eine belangrieke mijlpaol in oos gesjiedenis is 't behaole van 't 25 jaorig bestaonsjubileum in 2009. Weer zeen gruuets op dit bezunjer jubileum, en zeker ouch op de 3 jubilarisse die vanaaf de heroprichting derbie zeen: Theu Coenen, Mia Janssen en Jan Ruijten. T'r ieëre van dit jubileum höbbe weer ein prachtig weekend op de Veluwe gehadj, en ein geweldige reseptie väör de jubilarisse.Klik hie veur de foto's van det ónvergaetelik weekend en fieës.

De vereniging bestuit noe oet 36 lede, die zoawaal op es achter de sjerme actief zeen veur 't succes van Ons Genoegen'84. Eder jaor in november spele weer 3 "thoesveurstèllinge" in Patronaat 't Trefpunt op St. Joas. Verder höbbe weer ein 5-tal opveuringe in de wuuj ómgaeving, van Ohé en Laak tót in Naer. Repetities zeen op woonsdigaovendj van 20.00 oer tót 22.30 oer. Alle stökke waere door oos eige laescommissie in 't St. Joaster plat vertaaldj.